Кинеските туристи кои патуваат во САД треба постојано да бидат внимателни бидејќи насилството со оружје и грабежите се неконтролирано, здравството е скапо и природни катастрофи може да се случат во секој момент, предупреди Амбасадата на Кина во Вашингтон.
Пукањата, грабежите и кражбите се вообичаени во градовите во САД бидејќи законот и редот „не се добри“ таму, предупреди амбасадата во новообјавените совети за патување. Тамошните дипломати велат дека излегувањето сами навечер или непромисленоста кон „сомнителните луѓе околу вас“ е најлесниот начин да се навлечете во неволја.
Дополнително, „медицинските услуги се скапи во Соединетите држави“, се вели во известувањето на амбасадата, во кое се повикуваат кинеските граѓани претходно да организираат здравствена заштита. Покрај оруженото насилство и недоволната здравствена заштита, патниците треба да обрнат внимание на временската прогноза во САД и вестите поврзани со климата и да преземат мерки на претпазливост во случај на природна катастрофа.
Кинескиот совет за патување ја допре и американската гранична политика, известувајќи ги патниците дека граничните агенти имаат право детално да ги проверуваат дојдовните туристи без налог за претрес.
„Доколку царинските службеници се сомневаат во целта на вашата посета или вашите документи, треба да отидете во зоната на секундарна инспекција за понатамошна проверка и интервју“, се вели во известувањето, додавајќи „валидна американска виза не ви го гарантира правото да влезат во САД“.
Кина претходно ги предупреди своите граѓани за оруженото насилство во САД. Пред само неколку месеци, кинеското Министерство за надворешни работи, наводно, дистрибуирало предупредување преку мобилната апликација за пораки WeChat, велејќи им на луѓето да бидат внимателни и „да се подготват за можноста дека може да се случат злосторства со оружје на работни места, училишта, дома и на туристички места“, според Њу Јорк Тајмс.
Американскиот Стејт департмент, пак, ја нарече Кина како „многу безбедна земја“ за повеќето посетители во својот најнов совет за патување, но предупреди дека таму се случуваат „домашни немири, па дури и тероризам“. Нелиценцираните „црни такси“, фалсификуваната валута и „измамите со туристички чај“ - криминална шема во која Кинезите ги канат посетителите на чај и им оставаат прекумерна сметка - се наведени како главни опасности за американските туристи.
Yahoo
