ЕУ објави список на американски производи за кои планира да воведе давачки доколку 28-члениот блок не биде изземен од тарифите на претседателот Доналд Трамп за челик и алуминиум.
Списокот содржи десетици производи, вклучувајќи храна за појадок, прибор за кујна, облека и обувки, машини за перење, текстил, виски, мотоцикли, чамци и батерии, објави АП.
Тие вредат околу 3.4 милијарди долари во трговија годишно, но списокот би можел да расте откако ќе се дознае целосниот обем на влијанието на американските царини.
Извршната комисија на ЕУ им даде на засегнатите страни во европската индустрија 10 дена да се спротивстават доколку се плашат дека какви било производи наменети за „ребалансирање“ на царините ќе му наштетат на нивниот бизнис.
